Үйлчлүүлэгчийн аюулгүй байдлын дэлхийн өдөр жил бүрийн 09 дүгээр сарын 16-ны өдөр үйлчлүүлэгчийн аюулгүй байдлын дэлхийн өдөр болдог билээ.

Тэгвэл энэ жил уг өдөрлөгийг тохиолдуулан “Эмийн хэрэглээний аюулгүй байдал - Эмийг зөв хэрэглэе” уриан дор явагдаж байгаа бөгөөд УХТЭ дээр "Эмийн зөв зохистой хэрэглээ"-ний өдөрлөг зохион байгуулагдлаа.

Уг өдөрлөгөөр үйлчлүүлэгчид эмийг аюулгүй байдал болон эмийг зөв хэрэглэх 5 алхам болох

1. Эмийг хэрэглэхийн өмнө юу анхаарах вэ?

• Энэ эммийн нэр нь юу вэ, ямар үйлчилгээтэй вэ?
• Энэ эмийг хэрэглэхэд илэрч болох гаж нөлөө нь юу вэ? 
• Миний өвчин, эмгэгийг эмчлэх өөр арга бий юу? 
• Харшил болон бусад өвчин, эмгэгийнхээ талаар эмнэлэгийн мэргэжилтэнд хэлсэн үү? 
• Энэ эмийг хэрхэн зөв хадгалах вэ? 

2. Эм хэрэглэх үед

• Энэ эмийг хэзээ ямар тун хэмжээгээр хэрэглэх вэ?
• Энэ эмийг хэрхэн зөв хэрэглэх вэ?
• Энэ эмийг хэрэглэж байх үед хоол, хүнс болох уух зүйлтэй холбоотой анхаарах зүйл байна уу?
• Эмээ цагт нь хэрэглээгүй тохиолдолд яах ёстой вэ? 
• Эмийн гаж нөлөө илэрвэл яах ёстой вэ? 

3. Нэмэлт эм хэрэглэх үед

• Надад өөр эм нэмж хэрэглэх зайлшгүй шаардлага байгаа юу?
• Тогтмол хэрэглэдэг эмнийхээ талаар эмнэлэгийн мэргэжжилтэнд хэлсэн үү?
• Энэ эм нь миний хэрэглэдэг бусад эмтэй зохицох уу?
• Хэрэглэж байгаа эмнүүд нь хоорондоо зохицохгүй тохиолдолд яах вэ?
• Би энэ олон эмийг хэрэглэж чадах уу?

4. Хэрэглэж байгаа Эмээ хянах үед

• Миний хэрэглэж байгаа бүх эмийн мэдээлэл надад байна уу?
• Эм тус бүрийг хэр хэрэглэх ёстой вэ?
• Хэрэглэх шаардлагагүй болсон эмийг хэрэглэсээр байх уу?
• Эмнэлэгийн мэргэжилтэн миний хэрэглэж байгаа эмийг тогтмол хяндаг уу?
• Хэрэглэж байгаа эмээ мэргэжилтнээр ямар давтамжтай хянуулах шаардлагатай вэ?

5. Эмийн эмчилгээг зогсоох үед

• Хэрэглэж байгаа эмээ хэзээ зогсоох хэрэгтэй вэ?
• Миний хэрэглэж байгаа эмнүүдээс шууд зогсоож болохгүй эм байгаа юу?
• Хэрэв эм дуусвал би яах ёстой вэ?
• Эмийн гаж нөлөөнөөс болж эмээ хэрэглэхгүй тохиолдолд би хэнд мэдэгдэх ёстой вэ?
• Үлдэгдэл эсвэл хугацаан нь эмийг яах ёстой вэ?  гэсэн агуулга бүхий гарын авлага тараан иргэдэд мэдээлэл өглөө.