Халдварт өвчин судлалын үндэсний төв /ХӨСҮТ/-д “Хэт авиан оношилгооны өнөөгийн нөхцөл байдал болон ирээдүйн чиг хандлага” сэдэвт сургалт  энэ сарын 9-ний өдөр боллоо. 

Уг сургалтыг тус төвийн  дүрс оношилгооны эмч нар болон БНХАУ-ын Ухань хотын их сургуулийн эмнэлгийн эмч нарын хамтран зохион байгуулсан юм.

Сургалтад ХӨСҮТ-ийн Ерөнхий захирал Ц.Билэгтсайхан, Дэд захирал Ц.Чинбаяр, Дэд захирал Ж.Байгалмаа, Дэд захирал Д.Баярсайхан нар болон ивээн тэтгэгч Mindray компанийн албан ёсны борлуулагч Шинжьюкү компанийн захирал М.Майсайхан, ХӨСҮТ-ийн эмч, ажилчид оролцлоо.

Сургалтын удирдагчаар ХӨСҮТ-ийн дүрс оношилгооны тасгийн эрхлэгч их эмч Ч. Хүрэлбаатар ажиллаж, “ Хэт авиан оношилгооны өнөөгийн байдал болон ирээдүйн чиг хандлага” сэдвээр танилцуулга хийлээ. 
Мөн “Цээжний хэт авиан оношилгоо” сэдвээр ХӨСҮТ-ийн Дүрс оношилгооны их эмч П.Шинэхүү,  “Халдварт өвчний үеийн хэт авиан оношилгоо” сэдвээр ХӨСҮТ-ийн дүрс оношилгооны их эмч О.Билгүүн , “Ковидын дараах уушги болон уушгины өөрчлөлт, оношилгоо болон эмчилгээ арга” сэдвээр Ухань хотын их сургуулийн эмнэлгийн Хэт авиан оношилгооны тасгийн эмч Доктор Zhou Qing нар тус тус илтгэл тавьж оролцлоо.