Эрүүл мэндийн сайд С.Энхболд: "Уналт, таталт, саа саажилттай хүүхдүүдийн эцэг эх, асран хамгаалагч нараас 2022 оны 6 сард Монгол Улсын Засгийн газарт хүсэлт ирүүлсэн. Ерөнхий сайд Л.Оюун-Эрдэнэ тухайн хүсэлтийг шийдвэрлэх үүргийг надад өгсний дагуу дараах арга хэмжээг авлаа.

Уналт, таталтын эмийг 100% эрүүл мэндийн даатгалаас хөнгөлж эхэллээ. Мөн эмийн чанар хүртээмжийг нэмэгдүүлж нэр төрлийг нь олон болгов.

Түүнчлэн Мэдрэлийн ёзоор тайрах хагалгааг Монголд нэвтрүүллээ. Энэ хагалгааг Үндэсний баг бие даан хийдэг болно. Үүнээс өмнө гадны туршлагатай эмч нартай хамтран хийх юм. Дараагийн хагалгаа тун удахгүй хийгдэх болно" хэмээн мэдээллээ.