Эрүүл мэндийн салбарыг сууриар нь өөрчлөх, зөв тогтолцоонд шилжих том өөрчлөлтийг авчрах Эрүүл мэндийн тухай, Эрүүл мэндийн даатгалын тухай, Эмнэлгийн тусламжийн тухай хуулийн нэмэлт өөрчлөлтийг 2020 оны 9-р сард УИХ-ын ээлжит бус чуулганаар баталснаас хойш хоёр жил өнгөрч байна.

Мөн Монгол Улсын Засгийн газар Улсын төсвөөс санхүүждэг эмнэлэг, эрүүл мэндийн байгууллагын үйл ажиллагааг бодитоор үнэлж, эмч ажилтнуудын цалингийн эх үүсвэрийг баталгаажуулах, цалин хөлсийг тодорхой шатлалаар нэмэгдүүлэх боломжийг бүрдүүлэх зорилгоор 2021 оны 1 сарын 1-нээc эхлэн гүйцэтгэлээр санхүүжих тухай шийдвэр гаргасан. Дээрх эрүүл мэндийн салбарт хийгдсэн хууль, эрх зүй, тогтолцооны шинэчлэлийн үр дүнд Улсын хоёрдугаар төв эмнэлэг цалин хөлс нэмэгдэл урамшууллуудыг дараах байдлаар олгосон байна.

Үүнд: 

• 2022 оны байдлаар тус эмнэлгийн цалингийн сан 19%-иар нэмэгдсэн нь урьд жилүүдэд байгаагүй үсрэнгүй нэмэгдэл болсон.

• 2022 оны 3-р сарын 1-нээс ЗГ-ийн 107 тогтоолын дагуу нийт ажилтнуудын үндсэн цалинг 14.2 хүртэлх хувиар нэмэгдүүлж, 4-р сарын 1-нээс ТҮ-гээр цалинждаг ажилтнуудын үндсэн цалингийн доод хэмжээг 4%-иар нэмэгдүүлсэн байна.

• 2021 оны 1-р сараас 2022 оны 3-р сар хүртэл Короновируст халдвартай өвчтөнийг эмчлэх тасгуудад ажлын тусгай горимоор томилогдон ажилласан 696 эмч, мэргэжилтэн ажилтнуудын 96,479 цагийн илүү цагийн хөлс болох 1, чадсанаар бүрэн олгож чаджээ. 29 тэрбум төгрөгийг гүйцэтгэлийн санхүүжилтийг үр дүнтэй хэрэгжүүлж

• 2022 оны 1,2 –р улирлын эрүүл мэндийн ажилтны мөнгөн урамшилд 371 сая төгрөг олгожээ. Ийнхүү эрүүл мэндийн салбарын шинэчлэлийн бодлого үр дүнгээ өгч эрүүл мэндийн байгууллагууд эмч, эмнэлгийн ажилчдынхаа цалин урамшууллыг нэмсээр байна. Цаашид эмч, сувилагч, эрүүл мэндийн ажилтнуудынхаа нийгмийн асуудалд илүү анхааран ажиллаж байгаа бөгөөд үүний нэг томоохон ажил нь эмнэлгийн дэргэдэх 100 хүүхдийн багтаамжтай цэцэрлэгийг ашиглалтад оруулж 2021 онд гэхэд 2-5 насны 80 хүүхдийг хамруулсан байна.