ЭМЯ-нд тус яамны газрын дарга нар, Улсын гуравдугаар төв эмнэлэг, ЭХЭМҮТ-ийн удирдлагууд “КОВИД-19”-ийн нөхцөл байдал, Сармагчны цэцэг өвчний талаар мэдээлж байна.

Гуравдугаар эмнэлгийн Захирал Ц.Төмөр-Очир: УГТЭ-т тавдугаар сард нийт 42 санал, гомдол өргөдөл ирсэн. Эмч нарын ёс зүй, хандлага, харилцаатай гомдлууд ирдэг. Бид үүнд ёс зүйн салбар хороотой хамтраад хоёр эмчдээ хөдөлмөрийн сахилгын арга хэмжээ авсан. 

Ачаалал ихтэй үед нэмэлт кабинет ажиллуулж байгаа ба ялангуяа тархи нуруу нугас, мэдрэлийн чиглэлийн хүлээлт ихтэй байгаа учир арга хэмжээ авч яаралтай мэс заслын баг томилж төлөвлөгөөт хагалгааны ачааллыг бууруулж байна.

Амбулаторид 16:20 цагаас хойш хоёрдугаар ээлж нийт найман кабинетыг тогтмол ажиллуулж байна. Сувилагч мэргэжилтнүүдийг илүү цагаар ажиллаж лавлагааны шатны тусламж үйлчилгээг  шуурхай үзүүлж байгаа. 

Мөн зүрх мэдрэлийн тусламж үйлчилгээний ачаалал их байгаа. Үүнтэй холбоотойгоор эмч ажилчид амбулатори дээр хоёр ээлжээр ажиллаж эхэлсэн. Тиймээс үдээс хойш иргэд үйлчлүүлэх боломжтой.