Эмч нарыг ажлын байранд тасралтгүй сургах зорилгоор гадаадын өндөр хөгжилтэй улс, орнуудын профессорыг урьж, эмнэлзүйн дадлага сургалтыг хийх ажлын хүрээнд Эрүүл мэндийн хөгжлийн төвийн урилгаар ирсэн БНСУ-ын зочин профессор 05 дугаар сарын 09-11-ний өдрүүдийн хооронд Улсын хоёрдугаар төв эмнэлэгт ажиллаа. 

Энэ үеэр УХТЭ-ийн Ерөнхий захирал Б.Эрдэнэбулган БНСУ-ын Сөүл хотын Сунчонхян  их сургуулийн эмнэлгийн Мэс заслын тасгийн профессор Жу Сон Уг хүлээн авч, талархал илэрхийлэв.

Мэс заслын тасгийн профессор Жу Сон Уг тус эмнэлгийн Ерөнхий мэс заслын багтай хамтарсан эмнэлзүйн дадлага сургалтыг хийлээ. 

Тодруулбал, энэ удаа БНСУ-ын Сөүл хотын Сунчонхян /Soon Chun Hyang/  их сургуулийн эмнэлгийн Мэс заслын тасгийн профессор Жу Сон У  /CHO, Sungwoo/ нь тус эмнэлгийн Ерөнхий мэс заслын тасгийн эмч нарт онолын 3 удаагийн сургалт, хамтарсан  3 удаагийн  мэс засал хийж, харилцан туршлага солилцож, эмнэлзүйн ур чадвараа сайжруулж, цаашид хамтран ажиллахаар боллоо.