Өнөөдөр буюу 2022 оны 05 дугаар сарын 01-ээс эхлэн орон даяар Урьдчилан сэргийлэх, эрт илрүүлэг үзлэг эхэлж байгаа билээ.

Энэ хүрээнд  өнөөдөр Баянгол дүүргийн Эрүүл мэндийн төвийн Ахмад, хүүхдийн эмнэлэг дээр Урьдчилан сэргийлэх, эрт илрүүлэх үзлэгийн насны багцуудад багтсан үзлэг, оношилгоо, шинжилгээг албан ёсоор эхлүүлсэн байна. 

Эрт илрүүлэг, үзлэг оношлогооны явцтай Баянгол дүүргийн иргэдийн Төлөөлөгчдийн хурлын дарга Б.Сэмжидмаа болон бусад албаныхан танилцаж, үзлэгт хамрагдаж буй иргэдийнхээ санал сэтгэгдэлийг сонслоо. 

Баянгол дүүргийн хувьд 240 гаруй мянган хүн амтай, эрүүл мэндийн нэгдсэн эмнэлэг, хувийн хэвшийн 5 эмнэлэг, өрхийн эрүүл мэндийн төвүүд хамтран хуваарь гаргаж иргэдээ хамруулан оролцуулж байгаагаараа онцлогтой юм.

Ингээд тус дүүргээс иргэдээ эрүүл мэндийн даатгалын шимтгэлээ бүрэн төлж, эрт илрүүлэгтээ идэвхтэй хамрагдахыг уриаллаа.