Өнөөдөр Дэлхийн эмч нарын өдөр. Хүний эрүүл мэнд, амь насыг авран хамгаалах үүргийг хуулиар биш чин сэтгэлийн тангарагаараа хүлээсэн онцгой хүмүүс бол ЭМЧ НАР. Дэлхийн долоон тэрбум хүний эрүүл мэндийн манаанд өдөр, шөнийг үл умартан зүтгэж буй сая сая эмч нарыг алдаршуулах өдөр ӨНӨӨДӨР тохиож байна.

Өнөөдөр 2020 оны гуравдугаар сарын 30. 

Анх АНУ-д 1933 оны гуравдугаар сарын 30-нд тэмдэглэж эхэлсэн түүхтэй. Харин 1990 оны гуравдугаар сарын 30-наас албан ёсоор “Үндэсний эмч нарын өдөр” болгон эмч нартаа баярлаж талархсанаа илэрхийлэн таниулж сурталчилдаг Олон улсын өдөр болж өргөжсөн юм байна.

Манай улсад эмч нарын баярын өдрийг угтан “Алтан чагнуур” ёслолы ажиллагаа болон “Алтан гарт эмч- Шилдэг залуу” шалгаруулах ёслолыг жил зохион байгуулж ирсэн уламжлалтай.

Дэлхийн эмч нарын өдөр улс орны хэмжээнд эрүүл мэндийн салбарыг хөгжүүлэх, хүн ардынхаа эрүүл мэндийг сахин хамгаалах үйлсэд үр бүтээлтэй ажиллаж онцгой амжилт гаргасан эмч нарын хөдөлмөрийн үнэлэмжийг дээшлүүлэх, эмчилгээ, оношилгоо, үйлчилгээний ажлын шилдэг арга туршлагыг олон нийтэд сурталчлах, дэлгэрүүлэн таниулах зорилготой олон талт үйл ажиллагааг зохион байгуулж тэмдэглэдэг.