Бээжинд очих хүмүүс PCR-ийн шинжилгээ хоёр удаа өгнө

Жиргэх

2022 оны 1 сарын 17

Бээжингийн өвлийн олимпийн наадам эхлэхээс хоёр долоо хоногийн өмнө хотын захиргаа Хятадын нийслэлд ирэх хүмүүст шинэ дүрэм тогтоожээ.

Хотод ирэхээс 48 цагийн дотор хийлгэсэн PCR шинжилгээний сөрөг хариунаас гадна энэ сарын 22-ноос эхлэн шинэ журам хэрэгжих гэж байна. Энэ нь Бээжинд ирсэн хүмүүс ирснээсээ хойш 72 цагийн дотор дахин коронавирусийн шинжилгээ өгөх ёстой аж. Энэ журам гуравдугаар сарын сүүлч хүртэл мөрдөгдөнө. Бээжинд омикрон омгийн халдварын анхны тохиолдол илэрсэн юм. Халдвар авсан хүн сүүлийн 14 хоног хаа нэгтээ аялаагүй байна.