2021 оны 12-р сарын 11-ээс 12-р сарын 17-ны байдлаар батлагдсан КОВИД-19 халдварын тохиолдлын тоо (n=3509) өмнөх долоо хоног (n=4817)-тай харьцуулахад 27.2%-иар, PCR шинжилгээний эерэг илрүүлэлтийн хувь өмнөх долоо хоногоос 25.1%-иар буурсан байна. Шинэ тохиолдлын дундах дотоодын халдварын эзлэх хувь өмнөх долоо хоногтой харьцуулахад өөрчлөлтгүй байна.

Өнгөрсөн долоо хоногт 12 аймаг тархалтын улаан, 6 аймаг тархалтын улбар шар, 2 аймаг тархалтын шар түвшинд үнэлэгдэв. PCR шинжилгээнд эерэг илэрсэн хувь  Дархан-Уул аймагт 4% буюу ногоон түвшинд үнлэгдэж байна. Шар түвшинд Дорноговь, Дорнод, Орхон аймгууд байна. Хамгийн өндөр өвчлөлтэй аймгаар одоогоор Булган,Төв, Хэнтий аймгууд 30-50% байна. Иймээс иргэд та бүхэн халдвар хамгааллын дэглэмээ баримтлан коронавирусын халдвараас урьдчилан сэргийлээрэй.