Халдварт Өвчин Судлалын Үндэсний Төвөөс өгсөн мэдээллээр өнөөдрийн байдлаар Ковид-19-ын халдвартай 392 иргэн хэвтэн эмчлүүлж байна.

Эмнэлэгт хэвтэн эмчлүүлж буй иргэдийн биеийн байдлыг үнэлбэл:

•     Хүндэвтэр- 208,
•     Хүнд – 168
•     Нэн хүнд –  16  хүн байна.

Мөн өнгөрсөн долоо хоногт шинээр 226 өвчтөн хэвтэн эмчлүүлж эхэлсэн бол 267 хүн эдгэрч гарчээ.

Түүнчлэн тус төвийн “Агаар дуслын халдварын 1”-р тасаг нь 50 ортойгоор хөнгөн болон хүндэвтэр үйлчлүүлэгч нарт эмчилгээ үйлчилгээ үзүүлдэг энгийн тасаг байсныг ДЭМБ-ын санхүүжилтээр  аравдугаар сарын 06-наас аравдугаар сарын 16-ны хооронд   ор бүрт  өндөр урсгалын хүчилтөрөгчийн төгсгөл болон хоёр ширхэг залгуур, ханын гэрлээр тоноглож хүчилтөрөгчийн хэрэгцээтэй хүнд үйлчлүүлэгчид үйлчлэх боломжтой болгожээ.