2021 оны 10 сарын 22-ны өдөр Эрүүл мэндийн сайд С.Энхболд, ЭМЯ-ны Гадаад хамтын ажиллагааны хэлтсийн дарга Б.Янжмаа, мэргэжилтнүүдийн хамт Дэлхийн банкны суурин төлөөлөгч Андрей Михнев, төслийн багийн ахлагч Кайт Mендевилле болон бусад мэргэжилтнүүдтэй уулзаж ярилцлаа.

Уулзалтаар Дэлхийн банкны дэмжлэгтэй Эрүүл мэндийн яамны хэрэгжүүлж буй “Монгол улсад Короновируст халдвар (Ковид-19)-аас урьдчилан сэргийлэх, хариу арга хэмжээ авах, бэлэн байдлыг хангах”, "Цахим эрүүл мэнд" нэгдсэн төслүүдийн хэрэгжилт, цаашдын үйл ажиллагааны талаар хэлэлцэв.