Эрүүл мэндийн даатгалын ерөнхий газрын даргын зөвлөлийн ээлжит хурал болж байна. Хурлыг ЭМДЕГ-ын дарга Л.Бямбасүрэн удирдан явуулж, гэрээт эрүүл мэндийн байгууллагуудад газар дээрх хяналт, шалгалт хийсэн ажлын үр дүн, тайланг хэлэлцэж, холбогдох чиглэлээр үүрэг, даалгавар өгч, шийдвэр гаргаж байна.

Үргэлжлүүлэн даатгуулагчийг эрт илрүүлэх үзлэг, оношилгоо, шинжилгээнд хамруулан төлбөрийг нь санхүүжүүлэх журмын төслийг танилцуулж, саналыг хэлэлцэх юм.

ЭМДEГ өнөөдрийн байдлаар 2600 гаруй эрүүл мэндийн байгууллагатай гэрээ байгуулан иргэн-даатгуулагчид чанартай тусламж, үйлчилгээг санхүүгийн эрсдэлд орохгүйгээр авах боломж, нөхцөлийг бүрдүүлэхээр ажиллаж байна.