Эрүүл мэндийн яамнаас “Ковид 19” цар тахлын долоо хоногийн нөхцөл байдлын мэдээг тоймлон хүргэлээ. Энэ үеэр ХӨСҮТ-ийн захирал Ц.Билэгтсайхан мэдээлэл өгөхдөө дахин халдвар авах талаар мэдээлэл өгсөн юм. 

Тэрээр “Хос тунгаа авсан иргэдийн таван хувь нь өвдөж байна. Харин гурван тун авсан иргэдийн нэг хувь нь халдвар авч байна. Өвдсөн хүн дахиж халдвар авах тухай асуудал яригдаж байна. Гуравдугаар давлагаа бол дельтагийн давлагаа. Тиймээс өмнө нь альфа хувилбараар өвдөөд эдгэсэн ч дельта хувилбараар өвдөх магадлалтай. Манайд байгаа мэдээллээр өмнө өвдөөд дахиад халдвар авсан нийт 16 мянган хүн бий” гэлээ.