Нийгмийн бодлогын байнгын хорооны 2021 оны 07 дугаар сарын 08-ны өдрийн 03 дугаар тогтоолоор байгуулагдсан ажлын хэсэг Эрүүл мэндийн даатгалын тухай хууль тогтоомжийн хэрэгжилтийг хянан шалгах, эрүүл мэндийн байгууллагуудын үйл ажиллагаатай танилцахаар Төв аймагт ажиллаж байна.

УИХ-ын гишүүн Ц.Сандаг-Очироор ахлуулсан ажлын хэсэгт УИХ-ын гишүүн С.Чинзориг, УИХ-ын гишүүн Ц.Туваан болон ЭМДЕГ-ын дарга Л.Бямбасүрэн, зарим удирдлагууд багтаж тус аймгийн эрүүл мэндийн байгууллагуудтай цахим уулзалт, хэлэлцүүлэг өрнүүллээ.

Уулзалтаар ЭМД-ын тухай хуулийн шинэчлэл, ЭМДҮЗ-өөс баталсан тогтоол, шийдвэрийн биелэлт, даатгалын сангаас олгож байгаа санхүүжилт болон бусад холбогдох асуудлуудын талаар хэлэлцэж байна.

Уулзалтад Төв аймгийн 26 сумын эрүүл мэндийн байгууллагын төлөөлөл оролцож ЭМДҮЗ-ийн 03 дугаар тогтоол болон цахим Ковид-19-ийн үед үзүүлсэн тусламж, үйлчилгээний санхүүжилттэй холбоотой тулгамдаж буй асуудлуудын талаар ярилцаж зарим асуудлыг газар дээр нь шийдвэрлэн ажиллалаа.