Төрийн болон хувийн хэвшлийн албан байгууллага, аж ахуй нэгжүүдэд эрүүл мэндийн даатгалын тусламж, үйлчилгээ, даатгалын ач холбогдол, үр шимийг таниулах, 2021 оны ЭМДҮЗ-ийн 03 дугаар тогтоолын талаар ойлголт, мэдээлэл өгөх нэгдсэн сургалтыг ЭМДЕГ-ын албан хаагчид биечлэн болон цахим хэлбэрээр зохион байгуулдаг.

Энэ хүрээнд ЭМДЕГ-ын БТГ-ын Тусламж, үйлчилгээний багц хариуцсан ахлах мэргэжилтэн Б.Баярболд Нийслэлийн үйлдвэрчний эвлэлийн албан хаагчдад Эрүүл мэндийн тусламж, үйлчилгээний төрөл, хөнгөлөлттэй эм, урьдчилан сэргийлэх эрт илрүүлгийн багц тэдгээрийг ЭМД-ын сангаас хэрхэн хөнгөлөх, байгууллага, хамт олны эрүүл мэндийн даатгал зэрэг сэдвээр онлайн сургалтыг зохион байгууллаа.

Та Эрүүл мэндийн даатгалтай холбоотой байгууллага, хамт олны сургалт, зөвлөгөө, мэдээллийг онлайнаар болон биечлэн авахыг хүсвэл ЭМДЕГ-ын лавлах утас 1800-1363 дугаарт холбогдох боломжтой.