Гэмтэл сонгог судлалын үндэсний төвд өчигдөр гэхэд осол гэмтлийн улмаас 370 иргэн яаралтай тусламж авчээ. Хүлээн авах Яаралтай тусламжийн тасгаар 370  хүн үйлчлүүлсний 336 нийслэлийн харьяат, орон нутгаас 34  иргэн ирж үйлчилгээ авчээ.  Мөн өчигдөр яаралтай гурван мэс засал хийгджээ.

Хэвтэн эмчлүүлж байгаа 219 иргэн байгаагаас эрчимт эмчилгээний тасагт найман иргэн хэвтэн эмчлүүлж байна.

Тус эмнэлэгт урин дулаан цаг ирсэнтэй холбоотой хүмүүс салхинд гарч, алхах зугаалах нь ихсэж байгаа тул ууланд явганаас унаж бэртэх гэмтэл эрс нэмэгдэж байна.

Тиймээс иргэдийг ууланд алхахдаа заавал зориулалтын гутал, хувцас таягтай явахыг АНХААРУУЛЖ байна.