Эрүүл мэндийн яамны өнөөдрийн ээлжит мэдээллээр Сайд С.Энхболд хүүхдийн вакцины судалгааг хийж байгаа талаар дурдлаа. 

Тэрээр "Халдварын тохиолдол буурч байгаа ч бид тайвширч болохгүй. Бид вакцинжуулалтаас гадна тандалт судалгааны ажлыг эрчимжүүлнэ. Дэлхий дахинд 0-17 насны хүүхдийн вакцины судалгааг хийж байна. Канад улс хүүхдүүддээ вакцин хийгээд эхэлсэн. 

ЭМЯ-наас хүүхдийн вакцины судалгааны баг ажиллаж эхэлсэн ба ингэхдээ ямар төрлийн вакцин илүү дархлаа тогтоож байгаа талаар судалж байна. Мөн дараагийн удаагийн татан авалтаар хүүхдийн вакцин авах талаар судалж байна" гэлээ.