"Элэг Бүтэн Монгол" үндэсний хөтөлбөр үргэлжилж байна. Иргэд Эрүүл мэндийн даатгалын шимтгэлээ төлснөөр элэгний В, С вирусийн идэвхжил тодорхойлох шинжилгээнд 100 хувь үнэ төлбөргүй хамрагдах боломжтой гэж Эрүүл мэндийн даатгалын ерөнхий газраас мэдээллээ.

Манай улсын хувьд ч хепатитийн вирусийн халдвар тулгамдсан асуудлын нэг болсоор байгаа юм. Үүнтэй холбоотойгоор Засгийн газраас 2017 оны эхний хагасаас эхлэн “Элэг бүтэн Монгол” хөтөлбөрийн хүрээнд элэгний В, С вирусийн илрүүлэг шинжилгээг авч эхэлсэн.

Хөтөлбөрийн хүрээнд өнөөдрийн байдлаар 1.165.097 хүн В, С вирусийн шинжилгээнд хамрагдаад байна.