Улсын хэмжээнд 4-р сарын 30-ны өдөр 13556 хүнд шинжилгээ хийхэд 1306 хүнээс коронавирус илэрлээ. Эрүүл мэндийн салбарын гурван ажилтан халдвар авчээ. Хөдөө орон нутагт 116 тохиолдол бүртгэгдлээ. 

Сүүлийн 24 цагт таван хүн ковид-19-ийн хүндрэлээр нас барж, нас барсан хүний тоо 115 болов. Мөн коронавирусийн шалтгаант бус нэг нас баралт бүртгэгдсэн байна.  Тухайн иргэн хавсарсан суурь өвчтэй байсан бөгөөд дөрөвдүгээр сарын 23-нд онош нь батлагджээ. Эдгээр иргэн бүгдээрээ эмнэлэгт хэвтэн эмчлүүлж байсан. 

Сүүлийн 24 цагт 1039 хүн эдгэрч, эдгэрсэн хүний тоо 20681 боллоо. Үүнд, эмнэлгээс 311, гэрийн ажиглалтаас 728 хүн эдгэрлээ.