СЭМҮТ: Судалгаанд хамрагдсан эмч нарын 90 хувь нь “Халдвар авахаас айх айдастай“ байна гэжээ

2021 оны 4 сарын 27

Эрүүл мэндийн яамны захиалгаар Сэтгэцийн эрүүл мэндийн үндэсний төв /CЭМҮТ/, АШУҮИС, ХӨСҮТ, хамтран “Монгол улсад бүртгэгдсэн шинэ коронавирүст халдвар (SARS-COV-2)-ын эмнэлзүйн судалгаа”-ны төсөлт ажлын хүрээнд 2020 оны 12 сарын 12-26 өдрүүдэд эрүүл мэндийн бүх шатны байгууллагуудад ажиллаж буй эмч эмнэлгийн мэргэжилтнүүдээс сэтгэцийн эрүүл мэндийн байдлыг үнэлэх судалгаа хийжээ.

Судалгаанд 21-54 насны 61 эрэгтэй, 100 эмэгтэй хамрагдсан байна. Нийт оролцогчдын 16.8% нь өрхийн эрүүл мэндийн төвд, 40.9% нь дүүргийн нэгдсэн эмнэлэгт, 13.7% нь аймгийн нэгдсэн эмнэлэгт, 24.2% нь төрөлжсөн мэргэжлийн тусламжийн түвшинд ажиллаж байгаа бөгөөд ердөө 0.04 нь бүсийн оношилгоо эмчилгээний төвд ажиллаж байгаа ажилтнууд байсан аж.

Нийт судалгаанд хамрагдагсдын 67.7% нь 7 хүртэлхи цагийн хугацааг гар утасны хэрэглээнд зарцуулж байгаа нь судалгааны үеэр тогтоогдсон байна. Хөл хорионы нөхцөлд ажиллаж байгаа нөхцөлд халдвар авахаас айх айдас нийт эрүүл мэндийн ажилтны 10% буюу 16 нь айдас байгаагүй гэсэн бол, 90% нь халдвар авахаас айх айдастай, үүнээс 29.8% (n=48) нь маш их айдастай байсан гэж хариулсан байв.