Жирэмсний хяналтын багцын зардлын бүрэлдэхүүнд “Жирэмсэн эмэгтэйн үзлэг, шинжилгээний товлол”-ын дагуу лавлагаа шатлалд хийгдэх эмчийн үзлэг, зөвлөгөө, сорил, оношилгоо, шинжилгээний болон холбогдох бусад зардал хамаарна. Жирэмсэн эмэгтэй нь жирэмсний хяналт хийлгэх лавлагаа шатлалын нэгдсэн эмнэлэг, төрөлжсөн мэргэшлийн эмнэлэг, клиникийг сонгох эрхтэй. Жирэмсэн эмэгтэйд үзүүлсэн жирэмслэлттэй холбоогүй боловч эмчийн заалтаар үзүүлсэн, жирэмсний хяналтын багцад ороогүй бусад төрлийн тусламж, үйлчилгээний зардлыг тухайн оношийн эрүүл мэндийн даатгалын сангаас санхүүжүүлэх төлбөрийн хэмжээгээр санхүүжүүлнэ.

•  Эрүүл мэндийн даатгалын сангаас амбулаторийн тусламж үйлчилгээний төлбөрийг нь 100 хувь хариуцахаар заасан учир иргэн төлбөр төлөхгүй.

 Энэхүү тусламж үйлчилгээг авахдаа:

• Эрүүл мэндийн даатгалаа төлсөн байх
• Тухайн байгууллага эрүүл мэндийн даатгалтай гэрээтэй эсэхийг шалгахад л хангалттай.