Улсын нэгдүгээр төв эмнэлэг нь коронавирусийн халдвартай хавсарсан эмгэгтэй хүнд өвчтөн тусгаарлан эмчлэх 100 ор дэлгэн зохион байгуулалт хийж ажиллаж эхэллээ.

Энэ талаар УНТЭ-ийн Ерөнхий захирлын үүргийг түр орлон гүйцэтгэгч АУ-ны доктор Б.Хишигжаргал "Коронавирусийн цар тахал Монгол Улсад тархаад байгаа эдгээр өдрүүдэд УНТЭ-т цөөн тоогоор илэрч байсан бол сүүлийн үед эмнэлэг дотроо халдвар тархах эрсдэл их байна. Манай эмнэлгийн 48 ажилтан уг халдварыг авсан бөгөөд сүүлийн үед энэ тоо нэмэгдэх хандлагатай байгаа тул бид эмнэлгийн зүүн жигүүрийг коронавирусийн халдварын үеийн эмчилгээг хийхээр зохион байгуулж, 100 ор дэлгэлээ. Одоогийн байдлаар 3-6 давхруудад коронавирусийн халдвартай иргэд хэвтэн эмчлүүлж байна." хэмээлээ.