Вакцинжуулалтын цэг рүү иргэдийг зөөх, түр хүлээлгэх, асуумж бөглүүлэх, вакцинд хамруулахад дунд болон том оврын 40 автобусыг ашиглана. Энэ талаар Нийслэлийн Эрүүл мэндийн газрын дарга Л.Бямбадоржоос тодрууларад "Бид эхний ээлжинд вакцинжуулалтын явуулын 40 цэгийг бэлдээд байна. Нэг явуулын цэгт 2 автобус байрлах бөгөөд эхний автобусанд вакцин тарих бол хоёрдахь автобусанд вакцин хийлгэсэн иргэдийг хянах, асуумж авах юм. Өид өнгөрсөн бямба гарагт туршиж үзээд үргэлжлүүлэн хийхээр болсон. Тус явуулын цэгийн гол үүрэг нь суурин цэгүүдэд ачаалал үүсэх, гадаа олноороо оочирлож зогсох үед иргэдийн аюулгүй байдлыг хангах, хөдөлгөөний эрчимийг багасгах, ажлын бүтээмжийг нэмэгдүүлэхэд оршиж байна. Зайлшгүй тохиолдолд алслагдсан дүүргүүдэд очиж ажиллах юм. Тус явуулын цэгээр өдөрт 40-50 мянган хүн үйлчлүүлэх боломжтой." хэмээлээ. 

ВИДЕО: