ЭМЯ-ны ээлжит хэвлэлийн хурлын үеэр тус газрын дарга Л.Энхсайхан хөл хориог сунгах эсэх асуудлаар дараах тайлбарыг өглөө. 

Тэрбээр " ЭМЯ хатуу хөл хориог үргэлжлүүлэх санал, байр суурь хэвээр байгаа.  Яагаад гэвэл халдварын тохиолдлын тоо өдрөөс өдөрт буурахгүй байна. Тохиолдлын тоо нэмэгдэх тусам нас баралт нэмэгдэж байна.  Иргэдийн зүгээс ЭМЯ-ны фэйсбүүк  хуудаст  хатуу хөл хориог сайжруулах талаар санал ирсээр байна. Тиймээс бид иргэдийн тэрхүү саналыг ч анхаарч үзэх хэрэгтэй" гэв.

Дөрөвдүгээр сарын 10-наас эхэлсэн хатуу хөл хорио энэ ням гарагт буюу дөрөвдүгээр сарын 25-нд дуусгавар болно. Харин хатуу хөл хориог үргэлжлүүлэн сунгах эсэхийг УОК, Засгийн газар хуралдаж, эцэслэн шийдэх юм.