БНХАУ-аас татан авах 900 мянган тун вакцин хойшилсоноос болж, Синофарм үйлдвэрийн Веросэлл вакцины хоёр дахь тунг хийлгэх иргэдийн хугацаа тодорхойгүй хойшилсон. Вакцины давтан тунг хийлгэж чадаагүйгээс болж эхний тун үр нөлөөгүй боллоо хэмээн иргэд бухимдаж байсан ч ЭМЯ-наас 21-56 хоногийн дотор хийж болно гэх мэдээллийг өгсөн юм.

Тэгвэл БНХАУ-ын Синофарм үйлдвэрийн Веросэлл вакциныг ирэх 7 хоногоос татан авахаар болжээ. Тиймээс иргэдийн хоёр дахь тунг ирэх 7 хоногийн сүүлээр хийж эхэлнэ гэж УОК-ын хэвлэлийн төлөөлөгч Ц.Ганзориг мэдээллээ.