Улсын хэмжээнд өнөөдрийн байдлаар "ковид-19" халдварын эсрэг вакцинд 600 мянга гаруй иргэн хамрагдаад байгаа юм. Гэвч вакцины тунгаа хийлгэсэн 2304 хүн халдвар аваад байна. Мөн вакцин хийлгэсэн боловч өвчлөл хүндэрч, нас барсан гурван иргэн байна.

Тэдний хоёр нь Синофарм үйлдвэрийн вакцин хийлгэсэн бол нэг нь пфайзер вакцин хийлсэн байжээ.

Вакцин хийлгээд халдвар авсан иргэд нийт вакцинд хамрагдсан хүмүүсийн 0,37 хувийг эзэлж байна.

Ихэнх иргэд дархлаажуулалтад хамрагдсанаас хойш эхний 21 хоногийн хугацаанд халдвар авсан болох нь тогтоогдсон. Тиймээс вакцин таныг 100 хувь хамгаалахгүй учир халдвар хамгааллын дэглэмээ сайн барихыг анхааруулж байна.