Халдварын тоо нэмэгдэж буйтай холбоотойгоор ХӨСҮТ-ийн дэд захирал Ж.Байгалмаа гэрээр тусгаарлалт, түүний явц, хяналт, тархварын тандалт, хариу арга хэмжээ, олон улсын зөвлөмж, хүний нөөц, орны хүрэлцээ, цаашид хэрхэх талаар хариулт өглөө.

"Нийгмийн хариу арга хэмжээ авахгүй бол ирэх 14 хоногт тохиолдлын тоо хоногтоо 1000 давна"

Тэрбээр "Олон улсад халдварын  тархалтыг дөрвөн ангилж байна.

• Халдвар бүртгэгдээгүй
• Гадаадаас зөөвөрлөгдсөн
• Голомтолсон буюу тодорхой байршлуудад халдвар бүртгэгдсэн
• Хүн амын дунд халдвар өргөн тархсан гэж ангилан авч үзэж байна.

Улаанбаатар хотын хувьд хүн амын дунд халдвар өргөн тархсан гэсэн ангилалд багтсан. Энэ үед бол хөл хорио тогтоох ёстой. Бид мэргэжлийн байгууллагын хувьд хөл хорио тогтоох, бүх нийтийн бэлэн байдлын зэрэгт шилжих шаардлагатай гэсэн саналаа өгөөд явж байна"