БЗД-ийн 26, 27, БГД-ийн 11 хороонд голомт тодорхойгүй халдвар илэрсэн тухай ЭМЯ-наас мэдээлэв.

Өнөөдөр шинээр дотоодод батлагдсан 127 тохиолдлын нэг нь Архангай аймгийн Хайрхан сумаас илэрсэн бол нийслэлийн дээрх хороодод бүртгэгдсэн 4 халдварын эх үүсвэрийг тодорхойлохоор ажиллаж буй юм.

Улаанбаатарт 126 тохиолдол нэмэгдэж, нийт халдвар 3329, харин Архангайд нэг тохиолдол нэмэгдэж аймаг, орон нутагт нийт 349 халдвар бүртгэгдлээ.

Сүүлийн 4 өдөр коронавируст халдварын 100 гаруй тохиолдол бүргэгдээд буй тул нийслэлийн хаана ч халдвар байж болзошгүй.

Иймд иргэдэд аль болох нийгмийн харилцаагаа хумиж, хүн хоорондын зай барих, амны хаалт тогтмол зүүхийг анхааруулж байна.