Эрүүл мэндийн яамнаас өнөөдрийн /2021.03.03/ 11.00 цагийн ээлжит мэдээллээ өглөө. 

ХӨСҮТ-ийн Халдварт өвчний тандалт, судалгааны албаны дарга Ж.Байгалмаа  "Сүүлийн хоногт 19,507 хүнд хийсэн коронавирусийн халдвар илрүүлэх шинжилгээний явцад 44 хүнээс халдвар илэрсэн. Ингэснээр нийт халдварын тоо 3,076 болж байна.

Сүүлийн 24 цагт зөөвөрлөгдсөн тохиолдол бүртгэгдээгүй.

Шинээр бүртгэгдсэн 44 тохиолдлын

• 42 нь Улаанбаатарт,
• хоёр нь Завхан аймагт бүртгэгдсэн. 

44 хүний 42 нь халдварын батлагдсан тохиолдлын ойрын хавьтал байна. Хоёр хүний халдвар авсан эх уурхайг тогтоохоор ажиллаж байна. Өмнөх өдрүүдэд эх уурхай нь тодорхойгүй байсан батлагдсан тохиолдлуудын халдвар авсан эх уурхайг тогтоосон.

Сүүлийн 24 цагт 55 хүн эдгэрч, эмнэлгээс гарсан." гэлээ.