ЭМДЕГ-аас Эрүүл мэндийн даатгалын үндэсний зөвлөлийн 2021 оны “Төлбөрийн хэмжээ,төлбөрийн арга, журам батлах тухай” 03 дугаар тогтоолтой холбоотой өдрийн эмчилгээний талаар мэдээлэл өглөө.

Мөн энэ үеэр ЭМДЕГ-ын 1800-1363 утсаар ирсэн иргэдийн асуултад хариуллаа.

ЭМДЕГ-ын Бодлого төлөвлөлтийн газрын дарга Б.Батчимэг " 13-А маягт бол шинээр гараад ирсэн биш. Эрүүл мэндийн бзх тусламж, үйлчилгээг 13-А маягтад заасан мэтээр ойлгож болохгүй. Өвчтөн шилжүүлэх энэ журмыг ЭМЯ-аас шинэчлэн гаргаж байгаа. Энэ журамд үндэслэн мэдээллийн системд мөн өөрчлөлт оруулсан байгаа. Тухайлбал, иргэн та өвчин нь тодорхой болоод амбулаторийн үзлэгт ирвэл 13-А маягт авчирна. Харин Эрүүл мэндэд нөлөөлж буй хүчин зүйлийг тодорхойлуулах гэж ирж байгаа бол 13-А маягт авахгүй.

Мөн амбулаторид мэс ажилбар хийгдэж байгаа. Энэ тохиолдолд заавал өрхөөс 13-А маягт авчир гэж хэлэхгүй. 

13-А маягт шаардлагагүй тохиолдол:

• Шүдний тусламж үйлчилгээг 
• Амбулаторийн хяналтын үзлэгт 
• Яаралтай тусламж,
• Халдварт өвчин,
• Осол гэмтэл,
• Хорт хавдартай,
• Сэтгэцийн эмгэг,
• Мэс заслын ажилбар,
• Өндөр өртөгтэй мэс засал
• Жирэмсний ягаан дэвтэртэй бол 13-А маягт  шаардлагагүй юм.

Харин хурууны хээгээрээ тусламж үйлчилгээгээ баталгаажуулах шаардлагатай юм байна.

Мөн хувийн хэвшлийн эмнэлэгт үзүүлэх бол 13-А маягт шаардлагагүй ч ЭМДЕГ-тай гэрээтэй эмнэлэгт үзүүлэхэд 13-А маягттайгаар хөнгөлөлттэй үзүүлж болох ч одоогоор гэрээгээ шинэчилсэн цөөн тооны эмнэлэг байгаа." гэлээ.

ЭМД-аа төлсөн тохиолдолд эрүүл мэндийн өөрт хамаарах тусламж үйлчилгээг ямар нэгэн санхүүгийн эрсдэлд орохгүй авч эхэллээ.