ХӨСҮТ-өөс  коронавируст халдварыг илрүүлэхээр сүүлийн 24 цагт  улсын хэмжээнд хийсэн шинжилгээний хариуг танилцууллаа.

ХӨСҮТ-ийн албаны дарга Ж.Байгалмаа "Сүүлийн 24 цагт 21387 хүнд PCR шинжилгээ хийхэд 33 хүнээс коронавирус илэрлээ. Ингэснээр улсын хэмжээнд бүртгэгдсэн коронавируст халдварын тохиолдол 2,207 боллоо.

Тодруулбал, 33 тохиолдол бүгдээрээ Улаанбаатар хотод бүртгэгдсэн бөгөөд 29 нь хавьтал судлалаар, 4 тохиолдол нь шинээр илэрсэн голомтод бүртгэгдсэн байна.

Мөн сүүлийн 24 цагт 34 хүн эдгэрч, эмнэлгээс гарснаар нийт эдгэрсэн хүний тоо нийт тохиолдлын 73.3 хувь буюу 1,618-д хүрэв.

Өнөөдрийн байдлаар эмчлэгдэж байгаа 568 хүн байгаагаас маш хүнд 1, хүнд 2, хүндэвтэр 88, хөнгөн 477 хүн байна.