Цагаан сар нь Монгол үндэстний уламжлалт шинэ жилийн баяр юм. XVII жарны Цагаагчин үхэр жилийн сар шинийн баяр 2021 оны хоёрдугаар сарын 12,13,14-нд болохоор хуанлид тэмдэглэгджээ.

Засгийн газраас Цагаан сарын баярыг нийтээр тэмдэглэхгүй байх шийдвэр гаргасан.

Засгийн газрын 2021 оны нэгдүгээр сарын 4-ний одрийн 2 дугаар  тогтоолд заахдаа, “Коронавируст халдвар (Ковид-19)-ын цар тахлаас урьдчилан сэргийлэх, эрсдэлийг бууруулах зорилгоор 17 дугаар жарны цагаагчин үхэр жилийн Цагаан сарын баярыг улсын хэмжээнд нийтээр тэмдэглэхгүй байх нь зүйтэй гэж үзсүгэй” гэжээ.

Тиймээс иргэдийг цахимаар золгохыг ЭМЯ-наас уриаллаа.