"Ачтан" эмнэлгээр Өвөрхангай, Төв, Сэлэнгэ аймгаас ирж үйлчлүүлсэн иргэд орон нутагтаа очсон байсан аж. Тэдний шинжилгээний хариу сөрөг гарсан талаар ХӨСҮТ-ийн Тандалт судалгааны албаны дарга А.Амбасэлмаа хэллээ. Тэрбээр ""Ачтан" эмнэлэг нь үйлчлүүлж байгаа хүмүүстээ байнга түргэвчилсэн тест тавьдаг давуу талтай байсан учраас одоогийн байдлаар өвчтөнүүдээс халдвар илрээгүй байна" гэж онцоллоо. 

Мөн Сэлэнгэ аймгийн гаалийн ажилтантай холбоотой голомтод зохион байгуулсан үйл ажиллагаа дууссан. Тэр голомтод халдвар дахиж гарахгүй, хумигдсан гэдгийг тэрбээр хэлсэн билээ.