Эрүүл мэндийн яамнаас covid-19 халдварын цаг үеийн нөхцөл байдлын тухай ээлжит мэдээлэл хийлээ. Өчигдөр ХӨСҮТ-ийн хоёр лаборатори, ЗӨСҮТ-ийн лаборатори, Дархан-Уул аймгийн лабораторид нийт 438 хүнд шинжилгээ хийлээ. Үүнээс 437 хүний шинжилгээнд коронавирус илрээгүй. Харин нэг хүний шинжилгээнд коронавирус илэрчээ. Тухайн иргэн нь долдугаар сарын 15-нд Сөүл-Улаанбаатар чиглэлийн нислэгээр ирсэн, 18 настай эрэгтэй юм байна. Харин сайн мэдээ хоёр хүн эдгэрч, ХӨСҮТ-өөс дараагийн шатны сувилал руу шилжсэн байна.