Олон улсын хүүхдийн эрхийг хамгаалах өдөр удахгүй болох гэж байна. Үүнтэй холбогдуулан Эрүүл мэндийн яамнаас коронавируст халдварын үед хүүхдийн баярыг хэрхэн тэмдэглэн өнгөрүүлэх талаар эцэг, эхчүүдэд зориулан зөвлөгөө гаргажээ. 

Зөвлөгөөнд:

• Хүүхдэдээ КОВИД-19, хүүхдийн баярыг яагаад урьдын адил тэмдэглэж болохгүй талаар тайлбарлах

• Хүүхдэдээ үндэсний үйлдвэрийн эрүүл мэндэд хор нөлөөгүй, оюуны хөгжилд хөрөнгө оруулалт хийсэн бэлэг сонгох (ном, оньсон тоглоом, ааруул, витамин гэх мэт)

• Хүүхэдтэйгээ цагийг идэвхтэй өнгөрүүлэх (тэмцээн уралдаан зохиох, зураг зурах, бялуу, жигнэмэг, хоол, зайрмаг хийх гэх мэт)

• Найз нөхдөдөө цахимаар мэндчилгээ хүргэх боломж олгох

• Хүүхдээ дуртай зүйлээ хийхэд нь туслах

• Гараа сайтар савандаж угаах, спиртэн суурьтай гар халдваргүйжүүлэгч хэрэглэх

• Бага насны хүүхдэд амнаасаа хоол өгөхгүй, шүлсдэж үнсэхгүй байх

• Хүүхдээ дагуулж айл хэсэхгүй байх, агаарт гарах

• Хүүхдэд хийжүүлсэн ундаа, чихэр, чипс өгөхгүй байхыг зөвлөжээ.