Монгол Улсад коронавирус гаднаас зөөвөрлөгдөн орж ирж, батлагдсан тохиолдол өнөөдрийн байдлаар 148 болов. Өнөөдөр гэхэд ОХУ-аас ирсэн оюутнуудаас долоод нь халдвар илэрлээ.

Гэхдээ 148 иргэнээс 43 нь эдгэрч эмнэлгээс гарч дараагийн шатанд шилжсэн. Тэдгээрээс 14 нь бүрэн эдгэрч гэртээ гарч өөрөөр хэлбэл нийгмийн харилцаанд шилжсэн байна.

Хамт олноороо халдвартай иргэдийг эмчилж эдгээж гаргах хариуцлагатай үүрэг хүлээсэн ХӨСҮТ-ийн алтан гартай эмч, сувилагч нараар бахархаж байна.

Энэ талаар ХӨСҮТ-ийн эмчилгээ эрхэлсэн дэд захирал М.Тунсаг "ХӨСҮТ-ийн Б.Гансайхан Г.Хоролгарав эмч нар сувилагч Баасандулам үйлчлэгч Туяа, ариутгагч Тэшигжүгдэр нар 13 өвчтөн эдгээж  ажиглалтанд гаргалаа. Эмч, сувилагч, ажилчдаараа бахархаж байна" гэж сэтгэгдлээ бичсэн байна.