Засгийн газар, Улсын онцгой комиссын шийдвэрээр гадаадад гацсан иргэдээ чартер нислэгээр болон автозамын боомтоор татан аваад байгаа билээ. Хамгийн сүүлд тусгай үүргийн нислэгээр ОХУ-аас эхний ээлжид 340 оюутан, Турк улсаас 176 иргэн эх орондоо ирж, тусгаарлагдсан.

Тэгвэл өчигдөр буюу 5 сарын 15-ны өдөр Алтанбулаг боомтоор орж ирсэн 57 иргэнийг Орхон аймагт, 122 иргэнийг Дархан-Уул аймагт, 9 иргэнийг Сэлэнгэ аймагт тусгаарлахаар шилжүүлсэн байна. Нийт 188 иргэнд эрүүл мэндийн тандалт хийж биеийн халууныг хэмжин асуумж судалгаа авч 182 иргэнийг ажиглалтад, 6 иргэнийг сэжигтэй тохиолдлоор тусгаарлалаа.