УНТЭ элэгний зүүн дэлбэнгийн хэсэг газрын инфильтратив элэгний анхдагч өмөнг түлэх MicroWave Ablation  /бичил долгионт аблаци/ эмчилгээг эмнэлгийн практикт анх удаа амжилттай хийж нэвтрүүлэв.

2018 онд хавдар тайрах мэс засалд орж байсан үйлчлүүлэгч Б (60настай, эрэгтэй)-д 2020 оны 3 дугаар сарын 30-нд элэгний 3-р сегментэд 1.5 см хавдар шинээр үүссэн, мөн элэгний 3/4-р сегментийн үүдэн венд хавдар нэвчсэн тохиолдолд хавдрыг тэжээгч артерийн судсыг бөглөх ТАСЕ эмчилгээг, арьс нэвчүүлэн хэсгийн мэдээгүйжүүлэгтэйгээр ЭХО болон рентгений хяналтан дор хатгалт хийн MWA түлэх эмчилгээг хийжээ.

Эмчилгээний дараах 14 хоногт өвчтний хавдрын маркер PIVKA II 1300-аас 75 ng/mL болж буурсан үзүүлэлттэй гарчээ.

Тус багт УНТЭ-ийн Дүрс Оношилгооны Төвийн эмч нар болох Г.Өрнөлтсайхан (ахлагч), Л.Оюунболд (тасгийн эрхлэгч), Э.Хосбаяр, Г.Амарсайхан,  техникчээр  Б.Жавхлантөгс, Ц.Батбаатар, Д.Жигдэнгомбо нар ажилласан байна.