Монгол Улсад коронавирусийн халдварын 41 дэх тохиолдол өнөөдөр бүртгэгдлээ. Үүнтэй зэрэгцэн эмчлүүлж байгаа иргэдээс эдгэрч эмнэлгээс гарч байна.

Энэ талаар ХӨСҮТ-ийн ерөнхий захирал Д.Нямхүү "Коронавирусийн халдвараар өвчилсөн Турк улсын иргэн эдгэрч, өнөөдөр эмнэлгээс гарч, дараагийн хяналтад шилжлээ. Энэ иргэн 33 хоног эмчлүүлээд эдгэрлээ. ХӨСҮТ-д эмчлэгдэж байсан бүх гадаадын иргэд эдгэрч гарлаа" гэлээ.

Батлагдсан 41 тохиолдлоос 13 хүн эдгэрч, эмнэлгээс гарчээ. Харин үлдсэн 28 хүн ХӨСҮТ-д эмчлүүлж байна.