Агаар дуслын замаар дамжих халдварт өвчнөөс сэргийлэх аргын нэг нь амны хаалт зүүх. Харин буруу хэрэглэснээс болж эрсдлийг улам нэмэгдүүлдэг гэдгийг НЭМҮТ-ийн эрдэм шинжилгээний ажилтан О.Оюун-Эрдэнэ онцолж, амны хаалтыг хэрхэн зөв хэрэглэх тухай ийнхүү зөвлөлөө. 

Эн тэргүүнд амны хаалт зүүхээс өмнө гараа угааж, зүүснийхээ дараа хамар, амыг бүрэн хааж, завсар гарсан эсэхийг шалгаж үзээрэй. Харин даавуун амны хаалт хэрэглэж буй бол хоёр цаг тутамд заавал солих хэрэгтэй.