ЭМЯ-ны өнөөдрийн ээлжит хувлэлийн бага хурлын үеэр ЭМЯ-ны Гадаад харилцаа, хамтын ажиллагааны газрын дарга Б.Янжмаа "Японы улсын Токио хотод өнгөрсөн 24 цагийн хугацаанд “COVID-19” халдварын 118 тохиолдол шинээр бүртгэгджээ. Үүнээс 81 иргэн халдварыг ямар замаар авсан нь тодорхойгүй байгааг Япон улсаас ДЭМБ-д мэдээлсэн.

Япон улсад бага насны хүүхдүүд болон залуучууд халдвар авах нь ихсэж байна. Улсад өнгөрсөн 24 цагийн дотор “COVID-19” халдварын 7200 гаруй шинэ тохиолдол бүртгэгдсэн байна. Тиймээс энэ сарын 11-нд дуусах байсан онц байдлын хугацааг 2 долоо хоног сунгах болсон талаар тус улсын Ерөнхий сайд мэдээлсэн” гэв.

Италид вирусний халдварын улмаас 681 хүн нас барсан нь өмнөх өдрүүдээс буурсан үзүүлэлт бөгөөд тус улсын хойд Ломбарди мужид шинэ журам хэрэгжүүлэх болсон. Тухайлбал, иргэд амны хаалт зүүх эсхүл ам, хамрыг тагласан ороолт зүүхийг иргэдээсээ шаардах болжээ.