Шинэ коронавирусийн халдвартай болох нь шинжилгээгээр тогтоогдсон Франц улсын иргэн Дорноговь аймагт тусгаарлагдаад байсан билээ. Тэгвэл түүнийг Улаанбаатарт өнөөдөр өглөө авчирсан байна.

Засгийн газрын Хэвлэл мэдээлэл, Олон нийттэй харилцах хэлтсийн дарга Ц.Ганзориг түүнийг  ХӨСҮТ-д тусгаарлан эмчилгээг эхлүүлээд байгаа талаар мэдээллээ.

Тэрбээр "Хоёр хүүхдийн аав 57 настай Франц иргэнийг тангараг өргөсөн эмч нар эрүүл болгохын төлөө бүх зүйлээ зориулж байна.

ХӨСҮТ-д түүнийг авчран эмчилж буй. Түүнд гадаадад буй Монголын 150 мянган иргэнээс өөрцгүй хандахыг Засгийн газрын зүгээс уриалж байна" гэжээ.

Хоёр хүүхдийн аав 57 настай #COVIDー19-р өвдсөн Франц иргэнийг тангараг өргөсөн эмч нар эрүүл болгохын төлөө бүх зүйлээ зориулж байна. ХӨСҮТ-д түүнийг авч ирэн эмчилж буй. Гадаадад буй Монголын 150 мянган иргэнээс өөрцгүй хандахыг ЗГ-ын зүгээс уриалж байна.

— Ganzorig (@GanzoTg) March 11, 2020