Засгийн газрын өнөөдрийн ээлжит хуралдаан эхэлсэн байна.

Коронавирус  илэрсэн Франц иргэнтэй гар барьж уулзсан, орчуулагч, хоол хүргэлтийн ажилтан зэрэг хүмүүсийг нэгдүгээр хавьталд тооцон тусгаарлаж, шинжилгээнд хамруулж байгаа тухай Эрүүл мэндийн сайд Д.Сарангэрэл өчигдөр мэдээлж байсан юм.

Тэгвэл дээрх нэгдүгээр хавьтлын 26 хүний онош сөрөг буюу халдваргүй гарсан болохыг Шадар сайд, УОК-ын дарга Ө.Энхтүвшин Засгийн газрын хуралдаанд мэдээлэл өгөх үеэрээ танилцуулсан байна.

Гэвч олон улсын жишгээр нууц үе нь 14 хоног орчим байдаг тул энэ нь санаа амрах шалтгаан биш бөгөөд тэднийг тусгаарласан хэвээр байна.