Францын хөрөнгө оруулалтай “Арева” компанид ажилладаг Франц улсын 57 настай иргэнээс шинэ төрлийн коронавирусний тохиолдол илэрсэн гэдгийг Улсын онцгой комиссоос өнөөдөр /2020.03.10/ албан ёсоор мэдээлсэн.

Тус иргэн Франц руу явж, 10 гаруй хоноод гуравдугаар сарын 2-нд Монгол Улсад ирсэн. Тэгвэл Дэлхийн эрүүл мэндийн байгууллага /ДЭМБ/-ын төлөөлөгч нар Монгол Улсад ирэхдээ вирусын халдвартай нь батлагдсан франц иргэнтэй нэг онгоцоор ирсэн  нь батлагдлаа.

ДЭМБ-ийн мэргэжилтнүүд ирснээсээ хойш ЭМЯ, ХӨСҮТ-ийн эмч, мэргэжилтнүүдтэй хамт Сэлэнгэ, Дархан аймгуудад ажилласан бөгөөд энэ хугацаанд амны хаалт зүүгээгүй байгаа шүүмжлэл дагуулж байна.

Мөн ДЭМБ-ын төлөөлөгч нар УИХ-ын дарга Г.Занданшатартай уулзаж, орон нутгаар явж эмнэлгийн байгууллагын бэлэн байдалтай танилцжээ.