Монгол Улсад шинэ коронавирусийн анхны тохиолдол бүртгэгдсэнтэй холбоотойгоор Эрүүл мэндийн сайд Д.Сарангэрэл мэдээлэл хийж байна. 

Тэрбээр “Өнөөдрийн хүртэл коронавирусийн халдвар Монголд бүртгэгдээгүй байлаа. Харамсалтай нь гаднаас зөөвөрлөгдөн бүртгэгдлээ. 

Тухайн иргэн гуравдугаар сарын 7-ны өдөр бие зарайгаад байна гэсэн өгүүлэмжтэй кэмпийнхээ эмчид хандсан. Халууныг нь үзэхэд 37.4-тэй байсан. Гадаадын иргэн халуурсан шинж тэмдэгтэй байсан учраас түүний уулзсан, галт тэргэнд хамт зорчсон, зочид буудлын ажилчид зэрэг хүмүүсийн бүртгэлийн гуравдугаар сарын 7-ноос эхлэн хийж, хаягжуулалт хийсэн. 

Улаанбаатар 40, Дорноговь аймагт 80 хүнтэй уулзсан. Эдгээр хүмүүст өөрийгөө тусгаарлах зөвлөмж өгсөн. 

Галт тэргээр зорчсон 28 хүн, онгоцонд тухайн иргэний суудлаас урагш, хойш, хажуу талын тус бүр гурван эгнээний зорчигдын нэрс бүгд байгаа. Өнгөрсөн шөнө 01:30 цагт шинжилгээний хариу гарсан даруйд иргэдийн нэрсийн дарааллын дагуу ХӨСҮТ-д авчирч, шинжилгээ авч байгаа. 

Франц иргэн Дорноговь аймагт кэмпдээ тусгаарлагдсан. ХӨСҮТ-ийн хоёр баг шаардлагатай эм, тариа, тоног төхөөрөмжтэйгээр Дорноговь аймгийг зорьсон. 

Өвчтөнийг зөөвөрлөх эсэхийг тус аймагт ажиллаж байгаа мэргэжлийн хүмүүс шийднэ. 

Франц иргэний орчуулагч болон түүний гар барьж мэндчилсэн хүмүүс, kfc-гийн хоол хүргэж  өгсөн ажилтан зэрэг хүмүүсийг нэгдүгээр хавьталд тооцон тусгаарласан. 

Иргэддээ хандаж гуравдугаар сарын 30-н хүртэл тогтоосон каринтинийг сахин биелүүлэхийг хүсч байна. Иргэд ахмад настан, архаг хууч өвчтэй хүмүүсээ халамжилж, аль болох гадуур явахгүй, маск зүүж, гараа ариутгахыг зөвлөж байна. " гэлээ.