Дэлхийн эрүүл мэндийн байгууллагын мэргэжилтэн О.Ариунтуяа “Гуравдугаар сарын 2-ны ДЭМБ-ын мэдээгээр 24 цагийн дотор дэлхийн 64 улсад COVID-19 халдварын 1,804 шинэ тохиолдол бүртгэгдэж нийт 88,948 тохиолдолд хүрчээ. Үүнээс 66 нас баралт бүргэгдэж, нийт нас баралтын тоо 3,043 болсон байна. 

Харин БНХАУ-д 206 шинэ тохиолдол бүртгэгдсэн нь нэгдүгээр сарын 26-ны өдрөөс хойших хамгийн бага үзүүүлэлт болсон байна.

БНХАУ-д ДЭМБ-ын 25 хүнтэй олон улсын багийн 55,294 эмд хийсэн судалгаагаар өвчтөнүүд эдгэртэл хөнгөн өвчтөн дунджаар хоёр долоо хоног, хүнд өвчтөнүүдэд 3-6 долоо хоногийн хугацаа шаардагдаж байсан байна.

Шинж тэмдэг эхлээд нэг долоо хоногийн дотор хүндэрсэн бөгөөд 2-8 долоо хоногийн дараа нас барсан гэсэн мэдээ байна.

Дэлхийн эрүүл мэндийн байгууллагаас цар тахал гэж хараахан зарлаагүй ч сүүлийн 24 цагийн дотор дэлхийн улс орнуудад илэрсэн тохиолдлууд БНХАУ-аас ес дахин их байна.

Солонгос, Япон, Итали, Иран гэх мэт улс анхаарал татаж байгаа бөгөөд Иранд 4 хүн нас барсан бол Италид халдвар авсан хүний тоо 2,000 давж, нас баралт 18 тохиолдоор нэмэгдсэн байна.

Харин БНСУ-д өнөөдөр 09:00 цагийн байдлаар 4,812 тохиолдолд хүрч 28 хүн нас барсан байна.

БНХАУ-аас бусад улсад гарч байгаа тохиолдын 81 хувь нь дээрх дөрвөн улсад голомтлон гарч байгаа бол 130 улсад халдвар илрээгүй байна.

СOVID-19-ийн халдвар бусад амьсгалын замын халдвартай харьцуулахад маш хурдтай тархаж байгаа хэдий ч зөв арга хэмжээг эрт эхлүүлбэл хязгаарлах боломжтой юм." гэв.