ЭМЯ-наас коронавирусийн цаг үeийн нөхцөл байдлын талаар өнөөдөр /2020.02.27/ ээлжит мэдээллээ хийлээ.

ЭМЯ-ны Тандалт, шуурхай удирдлагын хэлтсийн дарга Д.Нарангэрэл “Өчигдрийн мэдээллээс хойш буюу сүүлийн 24 цагийн дотор COVID-19-ийн халдвар дэлхийн таван тив, 42 орныг хамарч тархалт нэмэгдсэн байна.

ДЭМБ-ийн байгууллагаас ч дэлхийг хамарсан цар тахал гарах нь цаг хугацааны асуудал болоод байгааг хэлж байна. 

Нэгдүгээр сарын 09-нээс эхлээд шинэ халдвар бүртгэгдээгүй. Сэжигтэй тохиолдолын хүрээнд тандалт судалгааг хийгээд байна. Одоогоор 252 хүнийг тусгаарлаад байгаа. 60 хүнд коронавирусийн илрүүлэг шинжигээ хийхэд бүгд сөрөг гарсан.  

Сар шинийн өдрүүдээр Засгийн газар болон Улсын онцгой комисс хуралдаж, тус өвчнөөс сэргийлэх ээлжит арга хэмжээгээ авсан. Тиймээс иргэд амны хаалтаа зүүж, гар ариутгагчаа хэрэглэж, ялангуяа ахмад настныхаа дархлааг сайжруулах зэргээр дор бүрнээ бэлтгэлээ хангах цаг үе ирсэн” гэв.