ХӨСҮТ-ийн Ерөнхий захирал Д.Нямхүү ойрын хугацаанд тусгаарлагдсан шинэ коронавирусийн халдварын сэжигтэй тохиолдлын хариуг мэдээлэв.

Тэрбээр "2020 оны хоёрдугаар сарын 15-нд тусгаарлагдсан дөрвөн тохиолдлын хариу сөрөг буюу шинэ коронавирусийн халдвар илрээгүй. Хоёрдугаар сарын 16-нд ХӨСҮТ-д нэг хүн тусгаарлагдан тандалт шинжилгээ, үзлэг хийгдэж байна:

Монгол Улсад коронавирусийн халдвар илрээгүй нь иргэд сайн хамгаалж байгаатай холбоотой. Гэхдээ анхаарлаа сулруулж болохгүй. Та бүхэн өөрсдийгөө хамгаална гэдэг нь гэр бүлээ хамгаалж байна гэсэн үг. 

Амны хаалтаа зүүх, тогтмол агаар оруулах, унтах цагаа тогтмол хянах хэрэгтэй" хэмээн зөвлөлөө.