Шинэ коронавирусийн дэгдэлтийн үед эрүүл мэндийн ажилтны аюулгүй байдлыг хангах бээлий, амны хаалт, нүдний хамгаалалт, халат, спиртэн суурьтай гар халдваргүйжүүлэгч зэрэг хувийн хамгаалах хэрэгслийг өнөөдөр Дэлхийн Эрүүл Мэндийн Байгууллагаас Эрүүл мэндийн яаманд хүлээлгэн өглөө.

ДЭМБ-ын Монгол дахь Суурин төлөөлөгч Др Сергей Диордица Монгол Улсын Эрүүл мэндийн яамыг эмнэлгийн байгууллагуудын бэлэн байдал, эрүүл мэндийн ажилтны аюулгүй байдлыг хангах чиглэлээр шуурхай арга хэмжээ аван ажиллаж буйг сайшааж, мөн цаашид дэмжлэг үзүүлэн ажиллахаа энэ үеэр илэрхийлснийг ДЭМБ-ын Монгол дахь Суурин төлөөлөгчийн газраас мэдээллээ.